Kadi ya kila mgeni, na jibu kwa mguso mmoja
Kila mgeni anapata ukurasa wake wenye kadi, QR, ramani na mawasiliano. Anathibitisha kufika kwa kubofya mara moja, au kwa kujibu SMS.
Mialiko ya kidijitali · Harusi na sherehe
Tunaandaa, tunatuma, tunakagua mlangoni: wewe unaidhinisha tu.
Kwa nini kubadilika
Zamani: Kuchapisha na kusambaza kadi kunachukua wiki na gharama.
Na e-Mialiko: Kila mgeni anapata kadi yake kwenye simu, kwa SMS au WhatsApp.
Zamani: Kadi zinapotea njiani; hujui nani hakuipata.
Na e-Mialiko: Unaona nani amepokea na amefungua; tunawafuatilia wasiofikiwa.
Zamani: Watu wasioalikwa wanaingia; kadi zinanakiliwa.
Na e-Mialiko: QR yenye saini inakaguliwa mlangoni; kadi moja haiingizi mara mbili.
Zamani: Hujui watu wangapi watakuja mpaka siku yenyewe.
Na e-Mialiko: Majibu ya wageni na idadi ya walioingia, moja kwa moja.
Jinsi inavyofanya kazi
Excel, picha au orodha ya kawaida, na maelezo ya sherehe. Tunasahihisha namba na kuondoa zinazojirudia.
Unapokea mwaliko halisi kwanza kwenye simu yako, ukiwa na kadi, QR na ujumbe, kama wageni watakavyoupokea.
Ukiridhika unabofya Idhinisha, nasi tunatuma kwa wageni wote na kufuatilia majibu.
Siku ya sherehe kadi zinakaguliwa mlangoni, hata bila intaneti, na baadaye unapata ripoti ya waliohudhuria.
Huduma kwa undani
Kila mgeni anapata ukurasa wake wenye kadi, QR, ramani na mawasiliano. Anathibitisha kufika kwa kubofya mara moja, au kwa kujibu SMS.
Fuatilia kwenye simu yako nani amepokea, amefungua na amethibitisha, na siku ya sherehe uone walioingia sasa hivi.
Simu yoyote inakuwa skana. Kijani kwa kadi halali, njano kwa iliyotumika tayari, nyekundu kwa isiyo halali. Mtandao ukikatika, ukaguzi unaendelea.
Baada ya sherehe: waliohudhuria, waliothibitisha na wasiofika, kwa Excel au PDF, kwa ajili ya kamati.
Miundo ya kadi
Zimetengenezwa na mfumo wetu wenyewe. Picha ya maharusi, rangi na herufi mnazopenda, au muundo wenu wenyewe.
Majina na picha ni za mfano. Picha ya maharusi ni mchoro, si watu halisi.
Wasiliana nasi
Kila sherehe ni tofauti. Tuambie tarehe na idadi ya wageni, nasi tutakupa bei na kukueleza hatua zote.
Kuhusu sisi
e-Mialiko ni huduma ya EdSal Technologies, kampuni ya Kitanzania. Tunajenga zana zinazorahisisha sherehe zetu: mialiko inayofika, wageni wanaojulikana, na mlango usio na foleni. Taarifa za wageni wako zinahifadhiwa Tanzania na kufutwa siku 90 baada ya sherehe.
Tuandikie WhatsApp na utume orodha yako: faili la Excel, picha ya karatasi au majina na namba za simu kwenye ujumbe. Tunaiandaa na kukuonyesha kabla ya kutuma.
Ndiyo. Tutumie majina mapya wakati wowote; tunawatumia kadi zao bila jaribio jipya, kwa kuwa mwaliko umeshaidhinishwa. Wakizidi idadi tuliyokubaliana, tutakujulisha kabla ya kuwatumia.
Anapata mwaliko kwa SMS, kwenye simu yoyote, na anaweza kujibu kwa SMS. Mlangoni anaonyesha namba ya kadi au jina lake linatafutwa. Wasiofikiwa tunawaweka kwenye orodha ya kupigiwa simu.
Simu ya kawaida ya Android au iPhone yenye kamera, kwa kila mlango. Orodha inapakuliwa kabla ya sherehe, kwa hiyo ukaguzi unaendelea hata mtandao ukikatika. Ukipenda, msimamizi wetu wa mlango anakuja.
Tunazitumia kwa mialiko ya sherehe yako tu: hatuziuzi wala kutuma matangazo. Zinahifadhiwa Tanzania na kufutwa siku 90 baada ya sherehe. Mgeni anaweza kusitisha ujumbe wakati wowote.
Tukishakubaliana bei kwa WhatsApp, tutakueleza jinsi ya kulipa. Tunathibitisha malipo kabla ya kutuma mialiko. Hatukusanyi michango wala pesa za wageni.
Angalau wiki mbili kabla ya sherehe ni vizuri: inatoa muda wa kuandaa kadi, jaribio, idhini na majibu ya wageni. Tukiweza, tunasaidia hata kwa muda mfupi zaidi; tuandikie.
Tuandikie barua pepe: tutakuonyesha mfano na kuandaa kila kitu.